أخبار حصرية

يـا ملتقـى عالـم الإبـداع والشهـره
من ملتقاكـم نذيـع اخبـار  حصريّـه
أخبار يطغى عليهـا الرمـز والشفـره
لو كان مـا هـي بمعلومـات  سريّـه
بس المهم يغني الموجز عـن  النشـره
مـع تفاصيـل صوتـيّـه  ومقـريّـه
يا ملتقى اهل الطرب والرقص والسهره
يكفي عبـث بـسّ بعقـول الصغاريّـه
الحريّـه ويـن وأنتـم ويـن ياحسـره
يللي تصيحون بأعلى الصـوت حريّـه
يا آفة العصـر يالجرثومـه  الخطـره
لي تنقـل امـراض روحيّـه وفكريّـه
عديمي احسـاس والأخـلاق  مندثـره
عرب فيّ الشكل بـس قْلـوب عبريّـه
وْعيـد راس السنـه تْباركـوا  ذكـره
وْتجهلـون أي عــام الآن هجـريّـه
مـا الومكـم والفضائيّـات منتـشـره
فـي بيوتنـا تنقـل الحفـلات فوريّـه
واعلامنـا ذي تناسـى مقتـل  الـدرّه
يْتابـع اخـبـار عـدويّـه ومـاريّـه
أشره عليكم حشـى والله مـا  باشـره
أشره على أصحاب الأفكار  التجاريّـه
سـؤال للمخـرج المنبـوذ والنـكـره
لي علّم البنت ترقـص شبْـه  عاريّـه
شْ لون يخدم بلاده هَزّ مـن  خصـره
أن مـا خدمْهـا ببـاروده  وشبـريّـه
يا لعن ابوهـا مجلّـه تطـري لْذكـره
وْلعن ابو جدّهـا موضـات  عصريّـه
أجيال ضاعت وضاع المجتمع  باسـره
وانا بطالب بوضـع احلـول  جذريّـه
مطلوب وقفه تصـد الهجمـه  القـذره
بْقـوة احـكـام قسـريّـه وقهـريّـه
وارجع وأكرر عتب مـرّه ورا  مـرّه
أعتب على اصحاب الافكار  التجاريّـه

عن admin

تعليق واحد

  1. اعلامي متميز وشاعر شاعر

    يعي ربي العافيه ابددعت واطربتنا لاخلا ولاعدم

اضف رد

لن يتم نشر البريد الإلكتروني . الحقول المطلوبة مشار لها بـ *

*

نرجوا كتابة الرقم الصحيح المحمي *