عبوة ناسفة

الليله الليله هواجيـس الشعـر مـن كـل صـوب
جتني على شكل السكـون اللـي قبيـل  العاصفـه
وانا من العصْر انتظر والشمـس مالـت للغـروب
بسري ولو نصف العرب ما تـدري ايـش السالفـه
بعض الدروب ادلها واتيـه فـي بعـض الـدروب
والهـمْ شكّـل ناصفـه والضيـق شكّـل  ناصفـه
شاعر أحـس بْداخلـي تتجسـد احـلام الشعـوب
اللي غلبهـا اليـاس مـن كثْـر الوعـود الزايفـه
وِشْ هي جنت غير الكوارث والمآسي  والحـروب
والتفرقه..,والبلطجيـه مــن قــوى  متحالـفـه
ياواقفة تستجوبين الصمت فـي الوجـه  الشحـوب
قد لايجيـب الصمـت ويطـول أنتظـارك  واقفـه
تؤكديـن.. أن الزمـن يـزرع تجاعيـد ونــدوب
وليـش جيتـي تسأليـنـي دام وانـتـي عـارفـه
هنا هنا يـا واقفـه شاعـر علـى حـدّ النضـوب
أستنفـد أفكـاره ولا زالـت جـروحـه  نـازفـه
ثامن سنـه أخيـط وافصّـل مـن الأحـلام ثـوب
أكبر انـا والثـوب يقصر…مثـل مَ انتـي شايفـه
لا تحزني والشعر مثْل الصدق في عيـون الكـذوب
قـد تختلـط زيـف المشاعـر والنوايـا الهـادفـه
نوب التمس فيـه الأمـل والهـم والإحبـاط نـوب
واحيان فـي دربـي يجـي يـزرع عبـوّه ناسفـه
واللـي يقـول ان انتقـاد الـذات تكفيـر الذنـوب
مبـدأ.. ولـي وجهـة نظـر.. أوافقـه  واخالفـه
أوافقـه بـأن البدايـه صـح والمخطـي يـتـوب
وأخالفـه لـو قـام يهـدم مـا بنـتـه العاطـفـه
والشاعر اللـي غـرّه التغييـر واغـراه الركـوب
موجه تسوقـه ليـن ترمـي بـه بقلـب العاصفـه
يذكر خويّه كل ما هبّت علـى اشراعـه..  هبـوب
واليا احتمى الموقف.. خسر شِعره ويتـرك ماقفـه
وان ضقت يا صدر الشمال الوسع في صدر الجنوب
والفلسفـه وجهـة نظـر.. وانـا مـن  الفلاسفـه

عن admin

اضف رد

لن يتم نشر البريد الإلكتروني . الحقول المطلوبة مشار لها بـ *

*

نرجوا كتابة الرقم الصحيح المحمي *